ചെറുതോണി :ജില്ലാ ശിശുക്ഷേമ സമിതിയും ജില്ലാ ഭരണകൂടവും സംയുക്തമായി സംഘടിപ്പിക്കുന്ന ശിശുദിനാഘോഷത്തിൻ്റെ ഭാഗമായി സംഘടിപ്പിച്ച വർണ്ണോത്സവം 2025 വാഴത്തോപ്പ് വൊക്കേഷണൽ ഹയർ സെക്കൻഡറി സ്കൂളിൻ വച്ച് നടന്നു. പ്രശസ്ത കാർട്ടൂണിസ്റ്റ് ശ്രീ സജിദാസ് വർണ്ണോത്സവം ഉദ്ഘാടനം ചെയ്തു.

ഈ വർഷം കുട്ടികളുടെ പ്രധാനമന്ത്രിയായി ഇടുക്കി ന്യൂമാൻ എൻ പി സ്കൂൾ വിദ്യാർത്ഥിനി കുമാരി ഇസബൻ അന്ന ടോമിയെ തിരഞ്ഞെടുത്തു. കുട്ടികളുടെ പ്രസിഡൻ്റായി വാഴത്തോപ്പ് സെൻ്റ് ജോർജ് യു പി സ്കൂൾ വിദ്യാർത്ഥിനി കുമാരി ഹന്ന തോമസിനെയും തിരഞ്ഞെടുത്തു. നവം 14 ന് നടക്കുന്ന ശിശുദിന റാലിക്ക് ഇവർ നേതൃത്വം നൽകും. വിവിധ മത്സരങ്ങളിൽ പങ്കെടുത്ത് വിജയിച്ചവർക്ക് ശിശുദിന റാലിയുടെ സമാപന സമ്മേളനത്തിൽ സമ്മാനങ്ങൾ വിതരണം ചെയ്യും.